去到北海道機場一出就見到Rusutus嘅櫃位啦，我地原本搭12點幾既車，問佢有無得改早一班，佢話有，我地就可以早d去啦，車程2個鐘。
中途有停車比你去洗手間同買野架，我地係中途站買左萍果，入到滑雪酒店係無得買架，入面得柑買咋，而且唔平。
Rusutus好就係已經包晒3日滑雪飛，但租野$另計，包埋早夜2餐架。
去到未有房，我地就換衫滑雪先。我地住北面，好既就係近餐廳同多買手信既店鋪。南面近浸露天溫泉同出去7-11買野。呢個係我地間房望出去個view，對住個滑雪場。
出發之前酒店send mail黎話可以upgarde去tower果邊，但我地無要到，事後先後悔，tower果邊d房有2層，上面係房，下面係廳。但係tower無咁多餐廳，同餐廳無咁多款式，但有個露天溫泉同靜d。tower出去到搭車先到滑雪場，但north同南一出去就係滑雪場啦，好近返房。
South溫泉好細，tower果邊新d靚d。唔知係咪2月中先去，去左4日得1日落雪，d雪好實，無powder既感覺。North果邊有個beginner雪道同family雪道，都可以應付。但tower果邊有個仲平既雪道又長d。
Tower果邊有一條係一出有一段仔中級，之後係beginner,今次有挑戰到，但都有少少驚。我老公就好勁，今次可以滑中級雪道啦。對比Tomamu, 感覺Tomamu好好多，雪靚d同埋可以上到山頂滑落黎，全條都係beginner，好玩好多。
但若果有小朋友，Rusutsu就會好d，因為可以玩雪？同有個小朋友遊樂場。但個人覺得tomamu好玩d，但野食晚飯就好似Rusutsu好d。佢比張劵你，鐘意食自助餐又得，食散叫都得，任君選擇！
Rustsu的地試左幾間餐廳:
1. 歡天--食日式自助餐，早餐去左兩次，我地鐘意食日式野多d。夜晚都去左2次，有勁多皇帝蟹腳食，而且係無限量供應，唔使排亦都唔使爭，不過就無雪糕同野飲。
2. Otober -- 食西日FUSION，比較多西式嘅嘢，呢到有雪糕食。都係有皇帝蟹腳任食，不過相對歡天就少啲日式嘢食。
3. 風花--呢間係Tower果邊嘅日式自助餐，我地只係試過食早餐，環境係靚啲，不過食物選擇少啲
Rusutus中午無咩野食，滑雪場餐廳好簡陋，得好少選擇，Tomamu餐廳好d，因為又有壽司，又有拉麵食。
最尾果日由Tomamu出返去札幌得好少時間，如果坐酒店12：00果免費車出去，去到札幌都2：00啦，最後改坐10：00車返機場，自己再搭車出去札幌，出到去11：30到，賺返2個零鐘‧
出到札幌即刻去Toyoko Inn放低行李，即刻去買野啦。我地去左Airo果間Akachan買bb衫，經過去埋Sport depo，買左2件bar top運動衫。買到一袋二袋，要返酒店擺低啲嘢‧一路都掛住買嘢，連晏畫果餐都未食‧去左Big Camera上面一間食開嘅回轉壽司到食‧佢啲壽司刺身好新鮮好好食！
食左一大棟碟，埋單都係5000yen到！
味道普普通通啦，但係一定好食過香港果啲！之後返酒店執行李第二日去名古屋。
沒有留言:
發佈留言