2015七一假期東京之旅 - Day 3 29/6 (橫濱、台場)

今日嘅行程係去橫濱。一早起身當然要食返個生果早餐先啦！

有桃同蘋果仲有哈蜜瓜！

食完就出發！今日有2個地方要去，第一個係麵包超人館。由橫濱站行過去大概15分鐘到，好彩6月尾呢到啲天氣仲未係好熱，行過去都唔太辛苦。去呢到係買阿女啲嘢，有衫啦、玩具啦、毛巾啦等等。

喺呢到仲比我哋發現到有自設計同繡名嘅袋。

只要等半個鐘，我哋都整左一個比阿女。

等個袋嘅時候有啲餓，因為餐廳排長龍，唯有買左兩個飽頂住先。因為撞唔啱出爐時間，只可以買到啲唔熱嘅包，味道麻麻地，價錢亦都幾貴，差唔多成廿蚊個。下次都係較啱時間買啲新鮮出爐嘅好過。個熱狗就叫正常啲，熱辣辣幾好食。

拎完個袋就離開麵包超人館，行返出JR站搭車過Outlet。女裝一件都買唔到，反而買到少少男裝同童裝。有些少失望！

跟住過埋去台場，主要係去果到嘅Old Navy，呢間嘢買啲衫好平，無論男裝、女裝同埋童裝。真係買到停唔到手！

（左邊4件係喺Akachan買、上面果件風褸喺Outlet買、風褸下面果埋就係Old Navy買嘅、右邊果啲係喺Comme de ism到買嘅）

買完衫順便行下果到果幾個商場，好似喺香港咁，因為喺呢到聽到最多嘅係廣東話，除左啲Sales，無咩日本人。是但搵左間食炸物嘅鋪頭食晚飯。味道不過不失，不過勝在價錢平，成餐4000円唔使埋單！

順便睇埋喺呢到嘅1:1高達。

食完走果陣見到有間「成城石井」，入去買定2個桃第二朝做早餐。