一早喺Toyoko Inn到check out再搭車去新千歲機場，搭早機去名古屋。去到機場等飛機果到又買過。
買左呢隻面膜。
由札幌去到名古屋已中午，第二日又要早幾走，所以又係趕住去買野，主功近鐵商場passe。
買左好幾件返工衫，呢期日本興韓風，好多都係好短既衫，所以唔係好岩。之後過左榮，諗住去Head Porter買嘢，原來榮果間Porter已經執左啦，去到搵唔到跟住上佢個web site睇先知！攪到白行一趟。經過百貨公司見到士多啤梨，我哋買左箱準備第二朝hand carry上機。
喺榮果到又見到有間Old Navy，又走左入去，我老公買左幾件tee，幾百円一件，仲平過UNIQLO啲UT。當然又忍唔住走左去睇下啲BB衫啦。
搭地鐵返名古屋站去埋千里馬藥房。行到9點幾啲鋪頭收晒無嘢可以再行，我哋先去食夜晚飯，去左居酒屋到食雞翼。
次次嚟名古屋都一定會食嘅！
食完又要返去執喼！準備第二朝早機返香港喇！第二朝要好早起身搭車去返中部空港。
記住千祈唔好係入關前買白之戀人等等嘅手信，因為無免稅，入左關買可以免稅買到白之戀人，雷神同Royce。
但係八爪魚餅就要係關出面買啦。入咗閘係無得買架！
沒有留言:
發佈留言