SHUTTLE落車個位同古汗火車站都有段路，而且要拉一段斜路先到火車站。
好辛苦拉左啲行李上去，不過距離火車到站仲有段時間，見到間COFFEE SHOP喺附近，當然去買返杯MORNING啡喇！
等多陣火車就埋站，可以上車返首爾，又要坐3個幾鐘！
之後呢幾日都係喺首爾行街，返到去東大門TOYOKO INN擺低啲行李就出發去永登浦，呢到係其他BLOG友介紹，不過個人覺得高速巴士站果到仲大仲多嘢買。
兜左個圈買左幾件衫之後見有啲餓又唔知食乜，求其是但去左E-MART個FOOD COUNT到食，叫左個牛骨湯飯同伴飯。味道普普通通無咩特別。
，
之後去左梨大到行，誤打誤撞搵到間叫BAVIPHAT嘅鋪頭，入面有好多人推介嘅豬皮面膜賣。不過返到嚟試過，好似無想像中咁神奇！
喺梨大巨型高踭鞋隔離，又見到有間賣福大莓嘅鋪頭，比多次機會佢，依然都係令到我哋好失望！
跟住一路由梨大SHOP到過去新村。
去到新村，搵左好多人介紹八式燒肉。
入到去巳經擺好晒啲嘢。
只要同侍應落單食邊款豬腩肉餐。
講真無咩特別，好似食快餐咁，又唔係用炭火燒，食落去隻隻味都差唔多，都食唔出有咩分別。個人唔推介食呢間！食完又返東大門行街街。宵夜去了橋村炸雞！
叫左個2－3人餐，真係好大份，沒有想像中咁好食而且有啲漏，日本炸雞好味得多了! 食2件巳經唔想食！
真係好飽同好漏，最尾食剩左1/3。
第二日係最後一整日喺首爾。今日一早我哋去左明洞寄啲行李返香港，總共寄左14KG行李返香港，要63,200WON。
寄完行李就去食早餐，去左食魷魚泡菜！
跟住繼續買衫同買護膚品。
食晏喺明洞附近搵左間食韓國嘢嘅鋪頭。
出奇地幾好食，特別係個煎蔥餅，雖然價錢貴左啲，但係都值得嘅！
食完過左去LOTTE YOUNG PLAZA果間3CONCEPT買化妝品，今次去竟然有貨。好開心！之後去樂天MART買士多啤梨同其他手信第二朝拎返香港。買完就返去擺低晒啲嘢先再出過去！夜晚我哋去左廣藏市場。
佢呢到應該最出名係煎餅，10檔有8檔都係賣煎餅嘅，不過見到佢整覺得好油，所以無試到！
最尾搵左間食炭火燒肉嘅食晚餐。除左燒肉，佢仲有盲鰻食。
我哋去左左手邊果間。
佢得4樣嘢叫，第一樣係醃豬肉片；第二樣係盲鰻；第三樣都係原味豬肉片；第四樣係豬腩肉。
首先點左第一同第二樣。
燒肉配啤酒簡直係絕配！食燒肉點可以唔點啤酒架！
開餐喇！
原本想追加個豬腩肉，不過賣晒，唯有要個原味豬啦！
之前睇電視，成日介紹盲鰻，今次食過，無想像咁好食，而且佢無去內臟，燒果陣啲魚啲內臟流出嚟，感覺有些少核突。食完又返去東大門繼續博殺過！跟住果朝要搭早機返香港。
我哋都係搭返6001由TOYOKO INN去機場，要攪退稅。首先去航空公司櫃位CHECK IN先，拎住登機證同行李去海關，比海關檢查行李同喺退稅FORM上面蓋章，之後就要拎返啲行李過返航空公司櫃位寄艙，航空公司會叮祝乘客留返喺櫃位附近5分鐘，預防件寄艙行李會比人REJECT。之後就入去退稅櫃檯拎錢。
退左錢當然就身痕又想使左佢，我哋去左機場FOOD COUNT食早餐。
食完就上機返香港！
Thanks for share ar.
回覆刪除唔好意思. 想問 o下.. 點樣寄 o野返香港 ga? 有地址嗎?